‘repose’ a reproduction work. Oil on canvas 24” x 30”
'ಘಟಶ್ರಾದ್ಧ'... ಅನಂತಮೂರ್ತಿಯವರ ನೀಳ್ಗತೆಯನ್ನಾಧರಿಸಿ, ಕಾಸರವಳ್ಳಿಯವರು ತಮ್ಮದೇ ಶೈಲಿಯಲ್ಲಿ ನಿರ್ದೇಶಿಸಿದ ಮೊದಲ ಸಿನಿಮಾ. ಸಾಹಿತ್ಯ ಹಾಗೂ ಸಿನೆಮಾ ಇವೆರಡರದ್ದು ಹತ್ತಿರದ ನಂಟು. ಭಾವನೆಗಳನ್ನ ತಮ್ಮದೇ ಆದ ರೀತಿಯಲ್ಲಿ ನಿರೂಪಿಸುತ್ತವೆ. ಪುಟಗಟ್ಟಲೆ ಇದ್ದ ಕಥೆಯೊಂದು ಬೆಳ್ಳಿ ಪರದೆಯ ಮೇಲೆ ಮುದುಡಿ ಮೂಡುತ್ತದೆ. ಆ ಭಾವನೆಯ ಬಣ್ಣಗಳನ್ನೆಲ್ಲ ದೊಡ್ಡ ಪರದೆಯಿಂದ ಪುಟ್ಟ ಕ್ಯಾನ್ವಾಸ್ ಮೇಲೆ ಮೂಡಿಸುವ ಪ್ರಯತ್ನ ಇಲ್ಲಿದೆ. ಕಾಸರವಳ್ಳಿ ಹಾಗೂ ಅನಂತ ಮೂರ್ತಿಯವರ ಅನನ್ಯ ಸೃಜನಶೀಲ ಕೃತಿಗೆ ಕನ್ನಡ ಸಾಹಿತ್ಯ.ಕಾಂ ಹಾಗೂ ಸಂವಾದ.ಕಾಂ ಪರವಾಗಿ ಗೌರವ ಸಲ್ಲಿಸುವ ಒಂದು ಪ್ರಾಮಾಣಿಕ ಯತ್ನ. ಇಂತಹದೊಂದು ವಿಭಿನ್ನ ಪ್ರಯೋಗವು ಯಶಸ್ವಿಯಾಗಲು ಪ್ರಾರಂಭದ ಹಂತದಿಂದಲೂ ಸಹಕರಿಸಿದವರು ಸಂವಾದದ ಸಾರಥಿ ಶೇಖರ್ ಪೂರ್ಣ. ಅವರಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು.
ತರ್ಕಶ್ರಾದ್ಧ
ಸಹನೆಯ ಸೀಮೆ
ಹತಾಶೆಯ ಬಿಂಬಗಳು
ಘಟಶ್ರಾದ್ಧ
ಘಟಶ್ರಾದ್ಧ
ತರ್ಕಶ್ರಾದ್ಧ
ಸೂತ್ರವಿರದ ಪಾತ್ರ
ಗಿರೀಶ್ ಕಾಸರವಳ್ಳಿಯವರ ಗೌರವಾರ್ಥ
ನಡು ಮಧ್ಯಾಹ್ನದಲ್ಲೂ ಆವರಿಸುವ ದಟ್ಟ ಮಂಜು.
ಅದು ಮಂಜೋ, ಪ್ಲಾಸ್ಟಿಕ್ಕಿನ ಹೊಗೆಯೋ,
ಹೊತ್ತಗೆ ಸುಟ್ಟುಹೋದ
ಕಮಟು ಪರಿಮಳವೋ ಅರಿಯದೆ
ಮನ, ಮಲಿನ ಖೋಡಿ .
ಕಸದ ಹೊಳೆಯಲಿ ಹಾಯಿದೋಣಿ ವಿಹಾರ
ಸಂದುಗಳ ಬಂಧನದಲಿ ಸಣ್ಣ ಕುಸುಕು
ಮಬ್ಬಿನಲಿ ನಿಡಿ ನೋಟಕ್ಕೂ ಸಿಗದ ಕಪ್ಪು ಸೂರ್ಯ.
ಚೆಂಗನೆ ನೆಗೆವ ಜಿಂಕೆಯ ಕೊಂದು
ಕಮ್ಮನೆ ಮಾಂಸ ಹುರಿಯಲೋಸುಗ
ಹೊಗೆಮಂಜಿನ ಅಡಿ ಕರಕಲಾಯಿತು
ಬೂದಿ ಬಾನಾಯಿತು-ಬಯಸಿ
ಹಿಟ್ಟು ನಾದಿ ನಾದಿ ನೀರಾಗಿ
ಕರಗಿ ಕರಗಿ ಬೆಣ್ಣೆನುಣುಪು
ರಾಡಿ-ಜೇಡಿ ಪದರ ತೋಡಿ
ಉಸುಕು ನಿಚ್ಛಳ
ಭಾವಜಲದೊಡಗೂಡಿ.
ನಿಶ್ಛಲ ನಿರ್ವಾತ ನಿರಂತರ
